A tutti piaci

A tutti piaci 'n cumprimentu
esssiri vantati di l'amici
si poi è lu paisi a essiri lu primu
lu cori batti forti
s'allarga lu pettu e rispira
'mmenzu a tanti amici,
ma lu tempu nun è mai
cu lu suli chi splenni
si oggi pari estati
dumani cangia tuttu e chiovi,
allura pi favuri
nun ni mittemu a chianciri
a ricurdari (a cui?) chiddi chi eramu
semu mali e beni ''nsemmula 'mpastati
oggi semu lu paisi di li beddi
dumani ni dicinu chi semu briganti
nun lu putemu nigari,
ci sunnu
e fari finta di nun li vidiri
nun servi a nenti.