'na vota 'o cimitero

'Ngopp 'a morte gia ha scritto tanta ggente
da Foscolo a Leopardi, da Ungaretti a Totò
a' morte è una sola, e ogniun ten' a soja, si però
je che ve pozz dicere? Nun me poss' inventà niente!

Totò diceva ch'a morte è comm a 'na livella
è overo, nun ce stann muort brutt e muort bell
ma chest, con rispetto, a mme me pare 'na strunzata
e 'mo ve dico comm me venette 'sta capata:

Nu iuorn comm a ttant, 'o cimitero
me ne jev a ffaticà, c'a musica int'e rrecchie
fin'a quand me truvaje aret' a certi vvecchie
tutte che chiagnev'n, tutte vestite e' nero

e' superaje, int'a nu mument me ne jett annanz
avisseva verè che prucessione, quanta parient,
e' cavalle ch'e pennacchi, fuje 'na cosa assaje elegante
avisseva verè, je che paranza!!

intanto cammenavo, pensando e' llampadine
e dicendo tra me e me "je me ne jess"
verett ati ddoje vecchie 'ngopp' a 'na fossa
'nciarmann cu' dduje ciur e tre lumini:

(dicevano)
"avisseva verè comme steve don Armando
a' tre mmis dint' o' liett, e respirava ancora
e dicev n'faccia o' prevete <<per favore
ancora 'natu ppoc'>> surann, e suspirann

respunnett 'o prevete senza scuorn: <<Don Armà!
So' tre mis che jamm annanz, chest dic' je:
ma avisseva pensat e ji contr' 'a Ddio?!
Insomma, jammu bbell, ch'avita pensat e fa?!>>

<<Padre Fa', nun v'arraggiate>> rispunnett o' viecchio
<<è che voglio dà e' parient nn'a ppoc' e tiemp
vuje verit comme stamm, se camp' e stient'
ma vuje nun capite, nun site maje stato sicc

E vuje che m'ascoltate, sentite ccà, statev' accort
o' ssape bbuon ' Padre Fabio, e vvò ddic n'faccia a iss
ca senza denari nun se cantano messe
e ccà pure pe mmurì ce vonn e' sord>>"