'A Riconoscenza (in vernacolo)

'A RICONOSCENZA
'A riconoscenza è 'na parola antica,
nu sentimento ca nun ce stà cchiù,
nu ricordo luntano 'e n'amico,
'na storia, nu scherzo, 'na virtù.

Oggi 'e 'sta cosa se ne parla pe' parlà,
pare chhiù nu 'mpiccio ca 'na realtà,
'o 'bbene se riceve e nun se fa',
l'omme adda fa chisto pe' campà.

Dice ca 'stu fatto se po' capì
c''a vita è corta e s'adda murì,
ca s'adda campà juorne pe' juorne,
allere, senza penzà, senza scuorne.

I' credo ca 'stu fatto accussì se po' spiegà:
oggi 'a cunuscenza nun ce stà,
e si 'na cosa dint''o core nun stà,
certamente manc' se po' rinnuvà.
Pirciò sai che dic', nun c' penzà,
lascia perdere e nu' sfrennesià.