Lu jentu te Natale

Lu Jentu te Natale (Fabrizio Martello)

Scusu tra ‘nu bove e n’asinieddhu
Sotta ‘ll’occhi te Giuseppe e la Matonna
‘ncarizzatu te lu Jentu staci sonna
‘Nturtijatu ‘ntra la paja lu Bambinieddhu.

T’aggiu ‘cchiatu ‘ntra ‘llu scuru te li chianti,
Canusciutu sulla culla te la vita,
T’aggiu ‘ntisu poi fiatare ‘ntra na gita
…a muntagna, tra piccinni, preghiere e canti.

Addhu stane moi, addhu stane ddhi vagnuni?
Ddhi stozzi te core, te vita e sentimentu,
Tutti se ‘ndane sciuti, ulati cu ‘llu Jentu
Cu inchene lu mundu te balli e te canzuni.

Jentu te tramuntana, ca porta la fatia,
Sciaroccu e poi labbici, paranze e varche n’terra,
Jentu te lavantara, malearia te cuerra,
Jentu te Natale, ecu te Pasturale…sonu te casa mia.

E nc’ete puru cinca ha ‘ddafriscatu
Ca nu ‘lli vite e nu ‘lli sente cchiui critare:
…è comu quando hai spicciatu te mangiare
e ‘ddhu piattu l’hai sputatu e castimatu.

Lu tiempu a fiate è complice, a fiate è traditore,
Me tisse allu portu sirama, na sera te punente,
T’hai armare te pacenza e te nd’hai futtire te la gente,
‘Ccu trovi la strada giusta …ca ha ulutu lu Signore.

Nu ‘bbe santiti suli, te la terra siti sale,
Puru lu Bambinieddhu ha tuccatu ‘sse nde fusce,
Lu mundu sta ‘bbe spetta, ‘ccu nde purtati luce,
E poi… nde face ‘cchiare, …lu Jentu te Natale.