L’occhiale affumicate (per Emma)

‘O ssaccio pecchè ‘e ppuorte,
sti occhiale affummicate;
‘nfunno a ‘stu core tujo
nun me vuò fa spià!

E lievete ‘sti llente,
marò comm’aggia fa,
stai sempe annasconnuta
areto a ‘sti cristà,
te voglio guardà ‘nfaccia,
e ll’uocchie tuoje vasà
e doppe ll’uocchie ‘a vocca
te voglio assapurà;
nennè, comme sì bella,
sì giovane e carnale
sì femmena speciale,
e già quanno te veco
me sento ‘e cunzulà;
si po’, te tengo astretta,
forte dint’a sti braccia
‘e llacrime j’ cacce
pe’ sta felicità!

Nennè, num me lassà
nun fa comme a chell’ata
ca primma me viziava
e mmò è fujuta allà;
nun fa comm’hanno fatto
è ffemmene birbante
in tutte le mie età,
voglio murì contento,
vicino sul’a ttè,
porta pacienza e aspetta
ossaje ca j campo poco
e doppo, po’, t’o spuse
chillu guaglione llà.

‘O ssaccio pecchè ‘e ppuorte,
sti occhiale affummicate;
‘nfunno a ‘stu core tujo
nun me vuò fa spià