Tra suli e mari

Li senti li campani a festa di luntanu..
E vidi poi lu focu di li bummi da lu chianu..
Sai oggi è lu jornu ca tutti nui aspittamu..
La festa di lu Santu lu martiri Bastianu..
Oh bedda Aci tu.. ca stai tra suli e mari..
Li mo paroli veri.. pi tia non ponu bastari..
E pi li biddizzi to e pi la to genti vera..
E pi sta Sicilia tutta.. ca pi mia è Patria da Terra..
La to costa aju canusciutu.. di chi eru picciriddu..
Partennu di lu Capu.. pi finiri a lu Pizzìddu..
E poi li sirati a Scala.. cu la luna ca rifletti..
E la genti tutta 'nchiazza ca cantannu s'addivetti..
E di li chiazzetti vardu estasiatu la marea..
Ancora tra mitu e storia di Aci e Galatea..